17-08-2018

​ഉപഭോക്താക്കളെ ഞെട്ടിച്ച് ഷവോമി വീണ്ടും

Tech | കൊച്ചി


ഒരിക്കല്‍ കൂടി വിപണിയെ ഞെട്ടിച്ചുകൊണ്ട് ഷവോമിയുടെ ഏറ്റവും പുതിയ സ്മാര്‍ട്‌ഫോണ്‍ എം.ഐ 6 എക്‌സ് അവതരിച്ചു. ചൈനയിലാണ് പുതിയ ഹാന്‍ഡ്‌സെറ്റ് അവതരിപ്പിച്ചിരിക്കുന്നത്. ചൈനീസ് സമാര്‍ട്ടഫോണ്‍ നിര്‍മാതാക്കളായ ഷവോമി മികച്ച സവിശേഷതയില്‍ വില കുറഞ്ഞ ഫോണുകള്‍ അവതരിപ്പിച്ചാണ് വിപണിയില്‍ ശ്രദ്ധേയമായത്. വില കുറവില്‍ മികച്ച സവിശേഷതകളാണ് ഷവോമിയുടെ പ്രത്യേകത.

5.99 ഇഞ്ച് ഫുള്‍ എച്ച്‌ഡി ഡിസ്‌പ്ലെയാണ് ഫോണിന്‍റെ ഏറ്റവും വലിയ സവിശേഷത. 2910 എംഎഎച്ച്‌ ബാറ്ററി, സ്‌നാപ് ഡ്രാഗണ്‍ 626, മൈക്രോ എസ്ഡി സ്ലോട്ട്, ഹൈബ്രിഡ് സിം കാര്‍ഡ് സ്ലോട്ട്, 20 എംപി 8 എംപി ഡ്യുവല്‍ ക്യാമറ, 20 എംപി സെല്‍ഫി കാമറ എന്നിവയും എംഐ 6 എക്‌സിന്റെ മാറ്റ് കൂട്ടുന്നു.

ആന്‍ഡ്രോയ്ഡ് ഓറിയോയില്‍ അധിഷ്ഠിതമായ എംഐയുഐ ഇന്റര്‍ഫേസിലാകും 6 എക്‌സ് പ്രവര്‍ത്തിക്കുക. മനോഹരമായ മൂന്ന് വേരിയന്റുകളിലാണ് എം ഐയുടെ പുതിയ ഫോണ്‍ അവതരിച്ചത്.

4 ജി.ബി റാം 32 ജി.ബി സ്റ്റോറേജ് മോഡലിന് 16900 രൂപയും 4 ജി.ബി റാം 64 ജി.ബി മോഡലിന് 19,000 രൂപയും 6 ജി.ബി റാം 128 ജി.ബി ഇന്റേണല്‍ സ്‌റ്റോറേജിന് 21000 രൂപയുമാണ് വിപണി വില


Loading...